韩国人夫李秉宪近年主攻荷李活，大多数时间都喺美国拍戏，可能因为咁，佢同荷李活明星分分钟钟仲熟过跟韩星，今日，李秉宪方面就公开佢同荷李活男星里安纳度狄卡比奥（Leonardo DiCaprio）嘅合照，太阳城门户仲话二人friend咗好多年。李秉宪所属事务所今日公开一张李秉宪跟里安纳度狄卡比奥上月喺美国一个活动嘅合照，照片中两位型男都以黑色西装现身，而事务所仲留言：「上月7日於美国加州洛杉矶LACMA举办嘅『2015 LACMA Art + Film Gala』。李秉宪自2011年开始一直参与LACMA活动，跟里安纳度系多年嘅好友。」据知活动系由里安纳度同LACMA共同举办，透过活动筹集得到嘅资金，将用於博物馆内有关电影及相关文化艺术嘅保护项目。 另外，女团T-ara成员孝敏噚日亦於Instagram公开跟台湾天王周杰伦（周董）嘅合照，留言：「今日嚟录内地节目《最强大脑》！跟今日一齐演出嘅周杰伦先生，心情好激动，请大家多多支持我哋。周董仲送CD俾我哋，真系真系觉得非常荣幸！」