最新資訊
言承旭认恋32岁台模：她是我非常非常重要的朋友
日期: 2015-11-26 09:35
想当年同大家「陪你去看流星雨 落在这地球上」嘅F4都已经大个仔，「美作」吴建豪最早结咗婚，「花泽类」周渝民（仔仔）早排都宣布做人夫，剩低就系似乎一直未定落嚟嘅「西门」朱孝天同「道明寺」言承旭。前几日圆满落幕嘅台湾金马奖中，太阳城注册林志玲任大会司仪，扮《我的少女时代》嘅林真心，以校服look同王大陆chit chat，跟手大银幕播出言承旭喺戏中重遇林真心(陈乔恩)嘅片段——难得志玲姐姐摆出一幅冧样，仲话：「好久不见！」同「你，我可以。」那个年代睇F4长大嘅网民就会谂：也许现实中，言承旭最想说「好久不见」嘅人，就系林志玲………点知，网民呢个美梦，发咗三日左右，周刊爆料指，言承旭已经另结新欢——32岁台湾模特儿张熙恩，旧年3月，仲曾经被影到两人深夜唱K同车。
今年7月底，有网民喺美国北加洲某面包铺撞见言承旭，咁桥同一时段，张熙恩亦喺fb透露自己身在当地；8月底，言承旭喺日本举行fans见面会，张熙恩今次醒目喇，唔再同步贴相，拖到9月头先喺fb度讲自己喺东京，仲留言话：「今年好多朋友去日本玩…」唔知嗰个朋友包唔包括言承旭呢？
周刊仲搵到张熙恩嘅朋友爆料，话张熙恩公司其实有意捧红张熙恩，但佢自己拍拖後就成日想放假，甚至玩失踪，根本无心工作，真系恋爱大过天；至於言承旭，早前佢宣传时竟然松口话「以前不懂事，现在我想要很认真的谈恋爱了。」太阳城注册加上佢喺另一访问中坦言好羡幕好友周杰伦，可以set定喺一个年纪之前遇到另一半，明言难度高，所以以对方为榜样咁话。报道出街之後，据《联合报》报道，言承旭透过经纪公司回应，承认张熙恩系佢「心底非常非常重要的朋友」。
