最新資訊
疑似新男友曝光 西装男极冧阿Sa 献99支玫瑰
日期: 2016-01-06 14:33
Twins前晚(4号)举行红馆骚尾场，奇就奇在老板杨受成身边坐咗一个三十几岁嘅西装男，唔止坐喺VIP位，喺献花环节，呢个西装男仲由VIP位行过去台前送上约99支玫瑰，阿娇成程冇咩反应，而阿Sa就自己行过去收花，太阳城门户阿Sa之後将呢束花交畀坐喺头排嘅Kenny(关智斌)，叫Kenny帮佢睇住啲花。而西装男成程就同杨生有倾有讲，喺encore时段，西装男就走先，点知喺庆功宴上，又见到佢同Sa妈倾偈，杨生亦主动同佢饮酒，不过，见有记者影相，Sa妈走咗去同工作人员倾一阵，杨生亦都行开，搵咗Mani(霍汶希)陪西装男倾咗5分钟，大约一点半左右，Mani就送对方出去，西装男上七人车走人。
据知，呢位系Twins嘅fans，由美国返嚟睇骚，亦系杨生嘅朋友，不过Mani表示唔知对方姓咩，仲叫大家唔好太敏感。阿Sa在庆功宴上，被问到西装男身份？佢话：「Fans罗。」记者谓西装男跟杨生坐VIP位，阿Sa再答：「Fans罗。」问是否识西装男？阿Sa就如录音机咁讲：「Fans罗。我识好多人喎，亦好多人识我。」记者笑Twins好有默契，太阳城门户只得阿Sa上前收花，阿娇帮手解围：「我懒得滞，得一扎花冇理由两个人走过去。」记得阿Sa喺首场骚曾经话过：「旧嘅唔去，新嘅点嚟！」咁呢句说话系咪有玄机？阿Sa强调：「我仲系单身㗎，依家几好，事业为重，暂时单身，几享受依家生活，多谢关心。」今日问过Mani，佢坚称对方系fans:「佢系Twins粉丝，美国返嚟，杨生朋友个仔，唔系有钱仔，极普通人。」不过，阿Sa一向对感情事好低调，唔知系真fans定系暧昧紧呢!?
