50岁郭富城早排自爆恋淘宝嫩模方媛(Moka)後，亦唔介意喺微博贴出同女友Moka嘅合照，爱得缠绵。今年系佢哋二人第一个圣诞，就算再忙，城城都抽出时间去陪Moka。大陆传媒「全民星探」就爆料，话城城近日喺上海拍摄《永不消逝的电波》，太阳城门户原来安排咗女友过嚟一齐欢度佳节。当日佢接女友上车，跟手城城就同戴住口罩嘅Moka，去咗一间餐厅食饭撑枱脚，开头两个人不时顾住睇电话，城城仲喺女友面前毫无避忌擘大个口撩牙，之後仲要隔住空气嚟嗰烟韧咀嘴。佢哋食完饭就转场去咗一间咖啡店，女方就撩城城玩selfie，城城都好受落，同女友嘟起个嘴扮锡锡，之後城城主动出击同女友嚟个十指紧扣，拖手喺街头漫步，以为佢哋只系行吓，点知原来城城早有安排，包场同女友睇戏《万万没想到》——陈柏霖丶杨子珊丶马天宇主演。奇幻片种。网民嘅影评都系……er……即系咁，内地报道称城城出到「包场」呢招，真系冧死女呀。不过，其实严格嚟讲都唔算包场，因为有狗仔陪佢哋睇戏，兼夹影晒呢pair小情人温馨场面。只见Moka全程依偎喺城城膊头，睇完戏食埋糖水到凌晨三点，女方从後揽实城城，一齐返咗城城下榻嘅酒店，甜蜜宿一宵。